God Jul!

.

Ja, no nærmar det seg den store dagen.

Eg tek det heilt piano og kosar meg, pyntar og ordnar i huset.

Juletreet er ferdigpynta, men eg skal lage litt meir pynt i løpet av jula.

I går sydde eg julestrømpe til meg sjølv, og den laga eg stor og god - og sjølvsagt i blått:)

Då gjenstår det å sjå om nissen synest eg har vore snill nok gjennom året som har gått...

Eg har hekla litt i det siste, og dei minste snøkrystallane har eg hengt på treet.

Dei store skal få plass i ei dør med glas og sprossar.

Det er ikkje alle oppskrifter som er like godt skrivne, og som nybegynnar dett eg av og til ganske fort av lasset:)

Eg tok og stiva dei med potetmjøl.

Kokte opp litt vatn, rørte ei god teskei mjøl ut i kaldt vatn og tilsette i det varme under god omrøring.

Altså ei blanding laga på rus:)

Så dyppa eg hekleria i, vrei dei godt opp, strekte dei ut og festa med nåler på ei isoporplate dekt med eit handkle.

Resultatet vart no bra stivt, ja.

Då håpar eg alle får ei riktig triveleg juletid!!! Kos dåke masse!