Pocketbok fuglar / Book page birds

No var det på tide å ta ned påskepynten frå greina.

Så då skal eg snart henge opp fuglane mine igjen.

Men først måtte eg lage to nye fuglar.

Eg har tatt utgangspunkt i denne diy'en.

Endeleg fekk eg bruk for ei av dei gratis pocketbøkene som har kome i posten,

og som eg garantert aldri kjem til å lese ei setning av;)

Sidan mine fuglar skal henge fritt, har eg laga dei med fire boksider.

Over ser du delane til ei side av fuglen.

Eg brukte ein mal eg hadde liggandes, og vengene er teikna på frihand.

Ta fire boksider, tegn av malen og klipp gjennom alle sidene.

Eg har brukt glitterlim langs kanten for å markere litt, 

ellers ville fuglane forsvinne mot den lyse veggen.

Krøll endane ved å rulle dei rundt ein blyant.

Lim to og to delar lett saman med limstift.

Fest vengane til kroppen med ein liten klatt lim frå limpistol.

Lim fast føtene til den eine halvdelen av fuglen.

 Deretter limer du dei to delane saman med nokre få limpunkt.

Vitsen er jo at ein skal sjå at det er fleire lag med papir.

Lim på ein tråd eller eit band mellom laga, og heng opp fuglen.

   

Dette er eit kjekt, lite prosjekt:)

Det som tek lengst tid, er nok å vente på at glitterlimen tørkar.

Håper du fekk lyst til å lage deg ein fugl, du også;)

I have made two birds of book pages.

The idea was found here, but I have used four pages 

to make birds with two sides showing.

I have used glitter glue to mark the edges of the cut outs.

Maybe you'd like to make your own little bird;)